2023-2024 оны хичээлийн жилийн Хан-Уул дүүргийн багш нарын заах арга зүй, ур чадварын уралдаанд "Монгол билиг оюун" цогцолборын олон улсын хөтөлбөртэй сургуулийн залуу багш нарын төлөөлөл амжилттай оролцож: Хөгжмийн багш Энхбатын Отгонзаяа II байр Дүрслэх урлагийн багш Гантулгын Амарбат Математикийн багш Цэдэн-Ишийн Бадамлянхуа Түүх, нийгмийн ухааны багш Ганболдын Номинчимэг нар тусгай байрт шалгарлаа. Заах арга зүй, ур чадварын уралдаанд амжилт дүүрэн оролцсон багш нартаа баяр хүргэе. Хичээл, хөтөлбөрийн судалгааг тасралтгүй хийж, мэргэшил, арга зүй, багшлах уран чадвараа дээшлүүлэн ажиллаж буй бүх багш нартаа илүү их амжилт хүсэн ерөөе. Хүндэтгэсэн: Сургуулийн захиргаа

2023-2024 оны хичээлийн жилийн сургалт, үйл ажиллагааны төлөвлөлтийн дагуу багш, сурагчид маань "Монгол бахархлын өдөр" болон "Анхдугаар үндсэн хууль батлагдсан өдөр"-ийг цогц үйл ажиллагаа болгон тэмдэглэн өнгөрүүлсэн билээ. Энэ хүрээнд 11-12 дугаар ангийн сурагчдын төлөөлөл маань Монгол үндэсний сан хөмрөгийг танин мэдэх, судлах, сонирхох, дэлхийн зах зээлийн талаарх ойлголтоо нэмэгдүүлэх зорилгоор Монгол банкны "Эрдэнэсийн сан хөмрөг"-ийг үзэж сонирхлоо. Монгол улсад хэрэглэгдэж байсан бүх мөнгөн тэмдэгттэй танилцаж, дахин давтагдашгүй ховор, үнэт үзмэрүүдийг олноор нь үзэж нэг өдрийг дурсамж дүүрэн өнгөрөөлөө.

2023-2024 оны хичээлийн жилийн сургалт, үйл ажиллагааны төлөвлөлтийн дагуу багш, сурагчид маань "Монгол бахархлын өдөр" болон "Анхдугаар үндсэн хууль батлагдсан өдөр"-ийг цогц үйл ажиллагаа болгон тэмдэглэн өнгөрүүлсэн билээ. Энэ хүрээнд 7 дугаар ангийн 5 бүлгийн 113 сурагч маань Чингис хааны музейгээр зочлон, түүх соёлын өв үзмэрүүдтэй танилцахын сацуу эзэн Чингис хааны үйл хэрэг болон эх орныхоо түүх соёлоос танин мэдэж, бахархал дүүрэн нэг өдрийг өнгөрүүллээ.