Олон Улсын хөтөлбөртэй, төрийн бус өмчийн сургуулиудын сурагчдын дундах сагсан бөмбөгийн аварга шалгаруулах тэмцээнийг өнгөрөгч амралтын өдрүүдэд буюу 2022.05.14-нд Монгол Билиг Оюун сургууль амжилттай зохион байгууллаа. Тус тэмцээнд эрэгтэй 7 баг, эмэгтэй Монгол билиг оюун, Хобби, Орхон Хасү сургуулийн багууд авхаалж самбаа, хурд, хүчээ сорин өрсөлдсөнөөс эрэгтэй багийн төрөлд: Тэргүүн байр: Спортын мастер Э. Батбямба дасгалжуулагчтай Орхон Хасү баг Дэд байр: Л. Рэгзэнрагчаа дасгалжуулагчтай Орчлон баг Гутгаар байр: Спортын мастер Б. Хатанзоригт дасгалжуулагчтай Шинэ-Үе баг эмэгтэй багийн төрөлд: Тэргүүн байр: Спортын мастер Д. Түвшинбатзаяа дасгалжуулагчтай “Монгол билиг оюун” баг Дэд байр: ОУХМ Ү. Давхарбаяр дасгалжуулагчтай Хобби баг Гутгаар байр:Спортын мастер Б. [...]

Ерөнхий боловсролын сургуулийн сурагчдын II дугаар улирлын амралтын хугацаанд буюу / IV/02-IV/10 / өдрүүдэд Хан-Уул дүүргийн төрөлжсөн олимпиадууд болж өндөрлөлөө. Тус олимпиадад манай сургуулийн 7-12 дугаар ангийн сурагчид маань амжилттай оролцож Нийгмийн хичээлийн  төрөлд 9с ангийн сураг Н. Номуун 2 дугаар байр мөнгөн медаль, Химийн олимпиадын төрөлд 9с ангийн Н. Номуун, Биологийн олимпиадын төрөлд 9б ангийн сурагч А. Мөнхчимэг, Физикийн хичээлийн төрөлд 7с ангийн сурагч О. Ану, Түүхийн хичээлийн төрөлд 12а ангийн сурагч А. Есүгэн болон Ким Хён Жи нар тусгай байр, Газарзүйн хичээл 12а ангийн Ц. Аялгуу тусгай байр тус тус хүртэж нийслэлийн олимпиадад оролцох эрхээ авцгаасан юм. Түүнчлэн [...]

“Монгол Билиг Оюун” цогцолбор сургууль 2021-2022 хичээлийн жилийн Эх хэл эрдмийн баярыг 2022 оны 4 дүгээр сарын 1-ний өдөр Олон Улсын Найрамдал зусланд амжилттай зохион байгууллаа. Тус арга хэмжээнд 1 дүгээр ангийн бяцхан сурагчид маань юу сурсан мэдсэнээ тайлагнахаас гадна урлагийн үзүүлбэрээр гэр бүл болон багш нартаа бэлэг барьсан юм.

Сурагчдын Монголын түүхийн мэдлэгийг гүнзгийрүүлэх танин мэдэх сонирхлыг хөгжүүлэх, Монголын түүх соёлоороо бахархах чадвар төлөвшүүлэх зорилгоор 6 дугаар ангийн сурагчдын дунд Центавр тэмцээнийг зохион байгууллаа. Энэхүү тэмцээн багуудын хоорондох асуулт хариулт, багын ахлагчдын тэмцээн / Үгийн сүлжээ /, Багийн гишүүний тэмцээн /  Хэн бэ? /, Гэрийн даалгавар / Жүжигчилсэн тоглолт /, хөгжөөн дэмжигчдийн тэмцээн гэсэн төрлүүдээр сурагчид маань авъяас чадвараа сорин өрсөлдсөнөөс  Б. Ганболд багштай 6а ангийн хамт олон тэргүүн байр эзэлж шилжин явах цомын эзэд болсон юм.

Манай  сургуулийн ахлах ангийн сурагчдын мэргэжил сонгох, мэргэжил бүрийн давуу болон сул талыг таниулан мэдүүлэх үүднээс салбар салбартаа амжилттай яваа эрхэмүүдийг урин хэлэлцүүлэг зохион байгуулж байгаа билээ. Уг арга хэмжээний хүрээнд өнөөдөр/2022.03.21/ хуулийн салбарыхан сурагчидтай уулзалаа.

Монгол Билиг Оюун сургууль 2021.12.23 ны өдөр албан ёсоор Олон улсын Интеракт клубэд элссэн юм. Манай сургууль Олон улсын жишгийн дагуу сургуулийн Интеракт клубын Ерөнхийлөгч болон Нарийн бичгийн даргыг хүсэлтээ ирүүлсэн сурагч хүүхдүүдээс санал хураалт зохион байгуулан Ерөнхийлөгчөөр 11а ангийн сурагч А. Номин-Эрдэнэ, нарийн бичгийн даргаар 9а ангийн сурагч Ө. Төгөлдөрбаярыг сонгон үйл ажиллагаагаа явуулж байна.

2021 оны 10, 11 дүгээр саруудад олон улсын бага болон дунд боловсролын Англи хэл, Математик, Шинжлэх ухааны хичээлүүдээр “Монгол Билиг Оюун” Олон улсын дунд сургуулийн сурагчид шалгалт өгсөн юм. Манай сургуулийн сурагчид өмнөх жилийн амжилтаа ахиулан Олон улсын дундаж оноо болон сургуулийн дундаж оноог ахиулсан өндөр амжилт үзүүлээд байна. Одоогоор бага, дунд боловсролын шалгалтын дүн ирээд байгаа билээ.