Монголын хүүхдийн спортын VII их наадмын хүрээнд зохион байгуулагдаж буй Хан-Уул дүүргийн аварга шалгаруулах 100 буудалт даамын тэмцээн өнгөрөгч өдрүүдэд явагдаж өндөрлөлөө. Тус тэмцээнд түүх, нийгмийн ухааны багш Батсангийн Цэндхүүгээр удирдуулсан "Монгол билиг оюун" цогцолборын олон улсын хөтөлбөртэй сургуулийн 20 сурагчийн бүрэлдэхүүнтэй шигшээ баг маань бахархам амжилт үзүүлж, багийн дүнгээр ТЭРГҮҮН БАЙР эзэлж, ЦОМЫН ЭЗЭН боллоо Түүнчлэн 12 сурагч УАШТ-д оролцох эрхээ авч, шинээр 8 сурагч спортын I, II, III зэргийн болзол хангажээ Сурагчдынхаа амжилтыг сийрүүлбэл: 7-8 насны ангилалд: 1с ангийн сурагч С.Намужин-алтан медаль, II зэрэг /эм/ 1b ангийн сурагч Т.Эгшиглэн-мөнгөн медаль, III зэрэг /эм/ 1с ангийн сурагч Ц.Цэгц - [...]

2022-2023 оны хичээлийн жилд сургуулийн босгоор алхаж, номын их далайд хөл тавьсан нэгдүгээр ангийн бяцхан сурагчид маань өнөөдөр эрдмийн баяраа тэмдэглэлээ. Монгол, англи хос хэлээр уншиж сурах, бичиж сурах, бодож сурах амаргүй давааг өөрсдийн хүсэл тэмүүлэл, ачит багш нар, эцэг, эх/асран хамгаалагчдынхаа хамтын хичээл зүтгэл, урам дэмжлэг, хайр халамжийн тусламжтайгаар даван туулж, эрдмийн баяраа тэмдэглэж буй бяцхан шавь нараараа бахархахгүй байхын аргагүй юм. “Монгол билиг оюунт дэлхийн иргэн”-ийг бэлтгэхээр тэмүүлэн хичээж буй: - эрхмийн дээд багш нартаа, - энхрий үрсээ урамшуулан дэмждэг эцэг, эх/асран хамгаалагчдадаа - эрдмийн их аянд шамдан суралцаж буй бяцхан шавь нартаа эрдмийн баярын мэнд хүргэе. Эрдэм [...]

“Монгол билиг оюун” цогцолборын олон улсын хөтөлбөртэй сургууль 2022-2023 оны хичээлийн жилийн II улиралд 2-4, 6-8, 10-12 дугаар ангиуддаа цөөн тооны сурагч элсүүлнэ. Манай сургуулийн сурагч элсүүлэн суралцуулах шийдвэр нь тухайн элсэгчийн сурлагын амжилт, хандлага, төлөвшил, нэмэлт элсэлтийн шалгалтын үнэлгээнд үндэслэх бөгөөд эцэг, эх/асран хамгаалагч болон сургууль хоорондын ойлголцол, хүлээлт ч мөн чухал нөлөө үзүүлнэ. Элсэх хүсэлтийг вэб хуудсаараа дамжуулан нээлттэй хүлээн авч байгаа бөгөөд (https://mbo.edu.mn/school/%d0%b1%d2%af%d1%80%d1%82%d0%b3%d2%af%d2%af%d0%bb%d1%8d%d1%85/) нэмэлт элсэлтийн шалгалт, уулзалтыг 2023 оны 01 сарын 23-ны 11.00 цагт сургууль дээрээ зохион байгуулна. Нэмэлт элсэлттэй холбоотой дэлгэрэнгүй мэдээллийг admissions@mbo.edu.mn цахим хаягаар тодруулна уу. Амжилт хүсье.