2023-2024 оны хичээлийн жилийн сургалт, үйл ажиллагааны төлөвлөлтийн дагуу багш, сурагчид маань "Монгол бахархлын өдөр" болон "Анхдугаар үндсэн хууль батлагдсан өдөр"-ийг цогц үйл ажиллагаа болгон тэмдэглэн өнгөрүүлсэн билээ. Энэ хүрээнд 11-12 дугаар ангийн сурагчдын төлөөлөл маань Монгол үндэсний сан хөмрөгийг танин мэдэх, судлах, сонирхох, дэлхийн зах зээлийн талаарх ойлголтоо нэмэгдүүлэх зорилгоор Монгол банкны "Эрдэнэсийн сан хөмрөг"-ийг үзэж сонирхлоо. Монгол улсад хэрэглэгдэж байсан бүх мөнгөн тэмдэгттэй танилцаж, дахин давтагдашгүй ховор, үнэт үзмэрүүдийг олноор нь үзэж нэг өдрийг дурсамж дүүрэн өнгөрөөлөө.

2023-2024 оны хичээлийн жилийн сургалт, үйл ажиллагааны төлөвлөлтийн дагуу багш, сурагчид маань "Монгол бахархлын өдөр" болон "Анхдугаар үндсэн хууль батлагдсан өдөр"-ийг цогц үйл ажиллагаа болгон тэмдэглэн өнгөрүүлсэн билээ. Энэ хүрээнд 7 дугаар ангийн 5 бүлгийн 113 сурагч маань Чингис хааны музейгээр зочлон, түүх соёлын өв үзмэрүүдтэй танилцахын сацуу эзэн Чингис хааны үйл хэрэг болон эх орныхоо түүх соёлоос танин мэдэж, бахархал дүүрэн нэг өдрийг өнгөрүүллээ.

МУССХ-ны "Ерөнхийлөгчийн цом-2023" усан сэлэлтийн тэмцээн 2023 оны 11 дүгээр сарын 03-аас 05-ны өдрүүдэд зохион байгуулагджээ. Тус тэмцээнд "Монгол билиг оюун" цогцолборын олон улсын хөтөлбөртэй сургуулийн 7е ангийн сурагч Баярцэнгэлийн Баянмөнх - 50м мэлхий сэлэлтийн төрөлд мөнгөн медаль - 100м мэлхий сэлэлтийн төрөлд алтан медаль - 200м мэлхий сэлэлтийн төрөлд алтан медаль - 50м өврөөр даллах сэлэлтийн төрөлд мөнгөн медаль - 100м өврөөр даллах сэлэлтийн мөнгөн медаль тус, тус хүртэж бахархам амжилт үзүүлсэн байна. Сурагч Б.Баянмөнхдөө баяр хүргэж, спортын өндөр амжилт хүсье.