Хүүхдийг стресс бухимдалд өртөхөөс сэргийлээрэй. Баярын олон өдрийн тухгүй байдал хүүхдэд сөргөөр нөлөөлж болзошгүй.

Чихэр, жимс их идсэнээс амны хөндий гэмтэх, шүд өвдөх эрсдэлтэй. Анхаарал хандуулаарай.

Ялгаатай байдал үүсгэхээс зайлсхийгээрэй. Бэлэг сэлтээр, үг үйлдлээрээ санамсаргүйгээр томчууд хүүхдийг гомдоодог шүү. Анхаараарай.

Бага насны хүүхдэд тавих хараа хяналтаа нэмэгдүүлэн унаж, бэртэхээс сэргийлж аюулгүй орчин бүрдүүлээрэй.

Цаг агаарын байдалд тохируулан хүүхдээ дулаан хувцаслаарай.

Хүүхдийг мориноос унаж, бэртэхээс урьдчилан сэргийлж хамгаалалтын хувцас хэрэглэл заавал ашиглаарай.

Амралт, баяр ёслолын өдрүүдэд ахуйн хүрээний осол гэмтэл нэмэгдэх хандлагатай байдаг. Бага насны хүүхдэд тохирсон ажлыг нь хариуцуулаарай.

Зохистой хооллолтыг дэмжээрэй. Өөртөө тохирсон шим тэжээлийг авч, зөв хооллож сурах нь эрүүл байх үндсэн арга юм шүү.

Сүүлийн үед гэмтэж, бэртэж буй хүмүүсийн дотор нохойд хазуулсан тохиолдол цөөнгүй байна. Нохойгоо уяж, зориулалтын хошуувч зүүж аюулгүй байдлыг хангаарай.

Автомашинаар хол, ойр зорчих эцэг эх, асран хамгаалагчдад

Хүүхдийн хамгаалалтын суудал хэрэглээрэй…

Тээврийн хэрэгслийнхээ бүрэн бүтэн байдал, аюулгүй байдлыг шалгаарай…

Архи согтууруулах ундаа хэрэглэсэн үедээ тээврийн хэрэгсэл жолоодохоос татгалзаарай…

Бага насны хүүхдийг машинд харгалзах хүнгүйгээр бүү үлдээгээрэй…

Жижиг хэмжээтэй товчин зай, зоос гэх мэт зүйлсийг хүүхдээс хол байлгаарай. Бага насны хүүхэд сониуч шүү, хахаж болзошгүй.

Хүүхдийн аюулгүй байдлыг хангаж, халуун тогоо, зуух зэрэгт хамгаалалт хийгээрэй. Хүүхдийн хөдөлгөөнийг цаг тутам хязгаарлах боломжгүй тул түлэгдэх эрсдэлтэй.

Хоносон хоол, түргэн муудах хүнсний зүйлсийг хүүхдэд өгөхөөс татгалзаарай. Хоолны хордлогоос сэргийлээрэй