“Монгол билиг оюун” цогцолборын нийт ажилтан, ажиллагсдынхаа дархлааг дэмжих, халдварын эрсдлээс урьдчилан сэргийлэх зорилгоор “Монос” эмийн  үйлдвэрийн эрүүл мэндийн багцийг багш, ажилтнуудадаа тараах ажлыг зохион байгууллаа. Мөн сурагчдадаа өдөр бүр амт, чанар сайтай үдийн хоол, витаминаар баялаг аньс, чацарганы шүүсээр үйлчилж байна.

 “Монгол билиг оюун” цогцолборын олон улсын хөтөлбөртэй сургуулийн орох, гарах  хаалгыг 4 болгож, тус бүр дээр халуун хэмжигч, гар ариутгагч байрлуулан, сурагчид хуваарьт хаалгаар орох, гарах ажлыг хэвшүүлэн ажиллаж байна. Анги удирдсан багш нар ангидаа халдвар хамгааллын дэглэм сахиулж 2 цаг тутамд цонх онгойлгон агаар оруулж, сурагчдын маск солилт, гараа тогтмол ариутгаж байгаа эсэхэд хяналт тавин тогтмол хэвшүүлэх ажлыг зохион байгуулж байна. Үйлчилгээний ажилтнууд цэвэрлэгээ халдваргүйжүүлэлтийг тогтмол хийж, ариун цэврийн өрөө, угаалтуур, суултуур, шатны бариул, хаалганы бариул, унтраалга, тоног төхөөрөмж, техник хэрэгслийн гадаргуу зэрэг хүний гар хүрэх эд зүйлсийн гадаргууг 2 цаг тутам халдваргүйжүүлэх уусмалаар шүршиж, хичээл тарсны дараа анги, [...]

ОУ-н гүйлтийн СТРАВА аппликейшнд МБО сургуулийн гүйлтийн клуб нэгдэж орлоо. Энэхүү аппликейшнд одоогоор Vitality running world cup challenge үргэлжилж байгаа бөгөөд манай сургуулийн багш Энх-Амарын санаачлагаар сурагчид маань оролцож байна. Гүйлтэд оролцсоноор хүүхдүүд маань 3 км гүйлт тутамдаа НҮБ - н хүүхдийн санд 1 вакцин хандивлах юм. Одоогийн байдлаар гүйлтэд 9Б, 7В, 8Б, 12А, 12Б ангийн хамт олон нэгдээд байгаа бөгөөд монгол улсынхаа рейтингийг 4-р байр хүртэл урагшлуулахад хувь нэмрээ оруулсаар байна. Дэлхий хэмжээний сайн дурын хүмүүнлэгийн үйлсэд өөрсдийн хувь нэмрээ оруулангаа үе тэнгийнхэндээ эрүүл амьдралын хэв маягийг уриалж байгаа нийт сурагчиддаа талархал илэрхийлье.