Хүндэт эцэг, эх/асран хамгаалагч та бүхэнд энэ өдрийн мэнд хүргэе. “Монгол билиг оюун” олон улсын сургууль 2023-2024 оны хичээлийн жилийн сургалт, үйл ажиллагаа эхлэхтэй холбогдуулан дараах мэдээллийг хүргүүлж байна. Бид та бүхэнтэй 08 дугаар сарын 15-аас 30-ны хооронд ажлын өдрүүдийн 10:00-16:00 цагт сургалтын гэрээ байгуулах ба гэрээ байгуулахаар ирэхээс өмнө доорх мэдээллүүдтэй танилцсан байхыг анхаарна уу.

1.  “Монгол билиг оюун” олон улсын сургуулийн суралцагчийн журамтай танилцах – https://mbo.edu.mn/school/juram2023/

2.  Гуравласан гэрээг уншиж танилцах – https://mbo.edu.mn/school/geree2023/

3.  Суралцагчийн дэлгэрэнгүй судалгаа заавал бөглөсөн байх – https://mbo.edu.mn/school/anket2023/  ‎

Хичээлийн бэлтгэл хангахтай холбоотой мэдээлэл:

1.   Номын худалдаа /Кембрижийн сурах бичиг/ I-VIII ангийн сурагчид:

·   Дасгал ажлын номыг /Work book/ суралцагч бүр шинээр худалдаж авна.

·  Сурагчийн ном /Learner’s book/ шинэ болон хуучин номоос сонголт хийх боломжтой.

Жич: Шинэ номын худалдаа 2023.08.21-ний өдрөөс, хуучин номын худалдаа хичээлийн жилийн 2 дугаар долоо хоногт явагдана.

IX-XII ангийн сурагчид хичээл сонголт хийсний дараа сурах бичиг, дасгал ажлын номыг шинээр худалдаж авна.

2. Дүрэмт хувцас

·   Сурагчийн дүрэмт хувцасны загвар өмнөх хичээлийн жилийнхтэй ижил бөгөөд 08 дугаар сарын 21-ний өдрөөс эхлэн сургууль дээр худалдаалагдана.

·  Биеийн тамирын хичээлд цагаан өнгийн футболка, дурын өнгийн биеийн тамирын өмд, шорт өмсөж болно.

Жич: Сагсан бөмбөгийн болон волейболын жигдэрсэн өмсгөлөө ангиараа өмсөхийг хүлээн зөвшөөрнө.

Гутал: Сургуулийн орчинд сольж өмсөх хар зураас гаргахгүй, чийг татахгүй, зөөлөн ултай, нумтай гутал өмсөх, гутлын хайрцагтай байх (гутлын хайрцгийн хэмжээ: 20x22x45 см)

3. Бусад: ·   Усны сав: Суралцагч бүр цэвэр усны савтай байх (хэмжээ: 17 см-ээс өндөргүй, эрүүл ахуйн шаардлага хангасан материалтай, соруултай байх)

2023-2024 оны хичээлийн жилд 1 дүгээр ангид элсэн суралцах суралцагчдын бэлтгэх хичээлийн хэрэглэгдэхүүний жагсаалт

/ I улирал /

Элементийн дэвтэр / UB printing, 12 хуудастай, зураггүй/

Дөрвөлжин шугамтай дэвтэр / UB printing, 12 хуудастай, зураггүй/

Дэвтрийн гялгар хавтас / зураггүй, тунгалаг/

Зургийн дэвтэр / А4, хуудас нь салдаг/

Нотны дэвтэр

Цэнхэр өнгийн үзгэн бал

Балын харандаа / HB, 2B/

Өнгийн харандаа / 12-24 өнгөтэй, MAPED/

Хайч / үзүүр нь мохоо, тагтай, хүүхдийн гарт тохирсон байх/

Цавуу / шингэн бус, элдэв хурц үнэргүй, наалдац сайтай байх/

Шугам / 15-20 см урттай, төмөр биш, ирмэгүүд нь мохоо байх/

Өнгийн цаас / 2 талдаа өнгөтэй, ам дөрвөлжин/

Үзүүрлэгч / хүүхдийн анхаарал сарниулах загвар дизайнтай биш байх, пиналд багтдаг байх/

Баллуур / хэт зөөлөн биш, элдэв хурц үнэргүй байх/

Баримлын шавар / элдэв хурц үнэргүй, өнгө гардаггүй, барьцамтгай чанар сайтай байх/

Баримлын шаврын суурь

Пинал / төмөр биш, хэт том биш/

Сурах бичгийн номны хавтас

Хуурай, нойтон сальфетка

Гар ариутгагч

Усны сав / 17см-ээс өндөхгүй, түгжээ бүхий тагтай, соруултай байх/

Гутлын хайрцаг / 20см х 22см х 45см/

Солих гутал