БИ БАЙГАЛЬД ЭЭЛТЭЙ ХҮҮХЭД – АЛТАН НАМАР ЭКО АЯЛАЛ

БИ БАЙГАЛЬД ЭЭЛТЭЙ ХҮҮХЭД – АЛТАН НАМАР ЭКО АЯЛАЛ

“Би байгальд ээлтэй хүүхэд” уриатай Алтан намар эко аялалд цэцэрлэгийн найзуудтайгаа, хөгжилтэй, баяр хөөртэй, адал явдлаар дүүрэн яваад ирлээ.

Аав, ээж, эмээ, өвөө ах эгчийгээ гэр бүлээсээ хэнийг ч дагуулахгүй багштайгаа, найзуудтайгаа автобусаар аялаад өөрөө бие даан үйл ажиллагаанд оролцоод явахдаа би яг л ТОМ хүн болсон шиг санагдаж байсан.

Намрын байгаль, цаг агаарын байдлыг ажиглаж мэдрэмжээ ярилцсан. Бидний аялсан өдөр ЦАГ АГААР их гоё дулаахан /+17 хэм/, бага зэрэг салхитай, үдээс хойш хэсэг зуур шиврээ бороотой байв.

Бидний иддэг хүнсний ногоо хэрхэн ургадаг тухай чацаргана, ногоо тарьж ургуулдаг ах, эгч нар болон багш нар маань ярьж өгсөн. Өө мартсанаас ирэх хавар бүгдээрээ ногоо тарьна гэж багш хэлсэн

Бас зөндөө их ногоо хурааж авсан.

Чацаргана жимсний мод их өргөстэй юм байна лээ шүү найзуудаа. Гэхдээ бид бээлийтэй байсан учраас чацаргана түүж чадсан. Чацаргана их исгэлэн байсан. Чацарганыг хэрэглэвэл хүний биед ашиг тустай их сайн гэсэн шүү.

Би түүсэн чацарганаа гэрийнхэндээ авчирч өгнө гэж бодож байсан ч амттай харагдаад нэг нэгээр нь идсээр байгаад дуусгачихсан

Аялалын маань их сонирхолтой хэсэг нь бид нарын дундах тэмцээн байсан.

Гүйлтийн тэмцээнд миний гутал сугарчих гээд байсан болохоор би сайн гүйж чадаагүй ээ.

Олс таталтын тэмцээнд манай ангийнхан их хүчтэй байж түрүүлсэн. “Эвтэй бол хүчтэй” гэж багш хэлсэн.

Буухиа тэмцээн их хөгжилтэй байсан. Бид нар зөндөө инээсэн.

Энэ өдрийн хоол их амттай байсан шүү. Тогооч эгч нартаа баярлалаа. Чацарганатай аарц бүүр гоё

“АЛТАН НАМАР”-ын аялалд хамт явсан “МОНГОЛ БИЛИГ ОЮУН” цэцэрлэгийн найзууддаа, багш нартаа баярлалаа. Дараа жилийн аялалаар уулзацгаая.

БАЙГАЛЬД ЭЭЛТЭЙ ХҮҮХЭД ГЭДЭГ НЬ ХОГОО ХАЯГҮЙ БАЙЖ ЦЭЦЭГ, НАВЧ, УРГАМЛЫГ ТАСЛАХГҮЙ БАЙХААС ЭХЭЛНЭ ШҮҮ НАЙЗУУДАА.